Поветкин го совлада Хјуи Фјури, но и двајцата не беа впечатливи (ВИДЕО)

Александар Поветкин го порази со едногласна одлука (117-111) Хјуи Фјури во воведниот дел на мечот Ломаченко-Кембел во борба за три од четирите титули во лесна категорија во „О2 арена“ во Лондон.

Поветкин, кој на 2 септември полни 40 години, си направи убав роденденски подарок, при што го доби интерконтинеталниот појас на ВБА во тешка категорија. Ова е негов најголем успех по неговиот втор пораз во кариерата минатата година од Ентони Џошуа кога се бореше за светските титули во тешка категорија.

За Хјуи Фјури, битката со Поветкин беше уште една шанса да се изгради поимпресивна репутација во „кралската“ дивизија, но поразот ќе го направи се понепривлечно име и да го оддалечи од елитата. Тој повторно не покажа напредок во однос на неговите претходни битки.

Сè што направи Фјури во рингот е тоа што се движеше добро за боксер во тешка категорија.

Поветкин не се претстави во многу импресивно издание, покажувајќи дека ја изгубил брзината и впечатливата моќ на коршеата.  Сепак, беше поактивен и со потешки удари, како во осмата рунда кога му ја раскрвави левата веѓа на противникот, но не можеше да го испрати во нокаут.

Сепак, со успех Русинот може да се надева на уште една шанса за светската титула, иако веројатно нема да го сметаат за закана во тешка категорија.

print