Мејведер го прифати предизвикот на Хабиб Нурмагомедов, ќе се вртат пари

Непоразениот боксер Флојд Мејведер го прифати предизвикот на Хабиб Нурмагомедов, актуелниот шампион на УФЦ во лесна категорија,кој исто така е без пораз.

Рускиот борец пред неколку дена го победи Ирецот Конор Мек Грегор со што успеа да ја одбрани титулата најдобар на светот, но и да предизвика голема внимание во јавноста, посебно со инцидентот по завршувањето на борбата.

Откако се смирија страстите, Нурмагомедов повторно го крена светот на нозе, бидејќи го предизвика Флојд Мејведер, кој е непоразен во 50 борби, а 27 завршија со нокаут.

Сите го чекаа одговорот од Американецот, кој конечно се огласи на Инстаграм и напиша дека телевизиите Си Би Ес и Шоутајм треба да се подготват за пренос, како и хотелот МГМ Гранд кој треба да им обезбеди сместување.

Напиша и дека сите можат да одат на профилот на Леонардо Елербе, каде е објавено видео од тоа како Хабиб го предизвикува Флојд.

На крајот порача: „Да го направиме Лас Вегас повторно голем“.

За потсетување, Флојд веќе боксуваше против УФЦ борецот Конор Мек Грегор и секако победи, а мечот беше според боксерските правила.

Оваа борба беше позната и како „Мани фајт“, бидејќи во игра вкупно беа повеќе од 500 милиони долари.

.

print

Можеби ќе ви се допадне...