Кличко: Срцето ми е мирно, ја предавам штафетата на Ентони Џошуа!

Веќе поранешниот светски шампион во тешка категорија Владимир Кличко упати емоционално порака преку социјалните мрежи до актуелниот носител на појасите во две од четирите верзии во професионалниот бокс – Ентони Џошуа.

„Срцето ми е мирно, ја предавам штафетата на Ентони Џошуа – новата генерација. Со среќа, брате, горд сум на тебе“, напишал Кличко на „Твитер“ на позадината на негова слика со Британецот!

Како што е познато, Кличко одлучи да ја прекине кариерата и да не ја искористи можноста за реванш против Џошуа, па така последниот меч останува големиот дуел на Вембли, кога токму Британецот го победи со технички нокаут и ги освои светските титули.

print

Можеби ќе ви се допадне...