Головкин: Во себе имам мексиканска крв. Ова е борба на Мексиканци

Овој викенд не чека пресметката на најдобрите боксери во светот.

Шампионот во средна категорија Генадиј Головкин во Лас Вегас влегува во ринг со предизвикувачот од Мексико Сол Алварез – Канело.

Едниот е Мексиканец, а другиот го обожува мексиканскиот стил на бокс.

„Ова е повеќе од борба. Ова е вистински мексиканска борба. Абел (Санчез, тренер) ми даде мексикански стил. Сакам да се борам со мексикански стил. Ја сакам мексиканската храна и ја јадам секој ден. Опкружен сум со тоа. Имам многу пријатели Мексиканци. Во себе имам мексиканска крв“, изјави Головкин пред битката во Т-Мобиле арена.

„Сериозно, еден удар ќе ја промени борбата… животот. Само еден удар. Канело има сила, има брзина. Тој ме знае, јас го познавам. Мојот тим има план А, Б, Ц и Д. Неговиор тим исто така. Тој е подготвен за кратка борба, на долга борба, на судиска одлук. Не знам кој прв ќе зададе голем удар. Ова не е борба ова е војна“.

„Го почитувам Канело, бидејќи тој е воин. Двајцата го почитуваме спортот. Мислам дека ова е совршено време за нас. Мислам дека во моментов ова е најголемата борба во светот на боксот. Многу сум возбуден што конечно ќе се борам во Вегас, а уште повеќе сум возбуден што тоа ќе биде против Канело. Ова е битка во која сите победуваат. Победува бокс. Сите го сакаат нашиот начин на борба. Двајцата сме опасни борци. Во последните неколку мечеви Канело изгледаше добро. Изгледаше силно. Канело е суперѕвезда. Ова е фантастична борба за нас“.

print

Можеби ќе ви се допадне...