Адонис Стивенсон – Баду Џек без победник (ВИДЕО)

Светскиот шампион во верзија на ВБЦ во полутешка категорија Адонис Стивенсон (29-1-1, 24 KO) го заврши мечот нерешено со претставникот на Шведска Баду Џек (22-1-3, 13 KO) и ја задржа титулата.

Борбата се одржа во Ер Канада центар арената во Торонто (Канада).

Судиите на мечот не одредија победник, откако двајца од нив дадоа ја бодуваа борбата нерешено 114-114, а еден му даде победа на Џек со 115-113.

Роден во Хаити, претставникот на Канада, Стивенсон, беше поактивен на почетокот на средбата, а Баду Џек неочекувано беше пасивен. Со почетокот на 5-тата рунда поранешниот светски шампион во две категории Џек се окуражи и стана поактивен во рингот и започна здрава борба од блиска дистанца. Тогаш борбата беше многу изедначена до нејзиниот крај. Сфаќајќи дека може да загуби Стивенсон се активира во 11-тата рунда и почна цврсто да го напаѓа противникот во телото. Во 12-тата рунда Џек имаше неколку силни напади, но тоа не беше доволно за да ја освои титулата.

Така, 40-годишниот Адонис Стивенсон ја задржа титулата, а 34-годишниот Баду Џек го забележа третиот нерешен резултат во кариерата.

.

print

Можеби ќе ви се допадне...